رنگ اردو دنیا بھر کے نامور کلاسیک اور نوجوان اردو شعراء کے شاہکار کلام پر مبنی بلاگ🌷Rung E Urdu a blog of worldsfamous poetry of past & present era
عارفانہ کلام حمد نعت منقبت
زرِ خاکِ شہرِ جمال دے، تری نعت ہو کوئی بات ہو
سحر اذانِ بلال دے، تری نعت ہو کوئی بات ہو
گل شامِ غم کو نہال کر مجھے لمحہ لمحہ بحال کر
درِ صبحِ درد اجال دے، تری نعت ہو کوئی بات ہو
کبھی پتھروں کو تراشنا،۔ کبھی اپنا آپ تلاشنا
کبھی چشم و لب خد و خال دے، تری نعت ہو کوئی بات ہو
گل خورشید کھلاؤں گا چلا جاؤں گا
صبح سے ہاتھ ملاؤں گا چلا جاؤں گا
اب تو چلنا ہے کسی اور ہی رفتار کے ساتھ
جسم بستر پہ گراؤں گا چلا جاؤں گا
آبلہ پائی ہے رسوائی ہے رات آئی ہے
دامن ایک اک سے چھڑاؤں گا چلا جاؤں گا
محصور ہوئے لوگ، قیامت کی گھڑی ہے
ظالم کو، مگر ظلم کمانے کی پڑی ہے
گلزاروں، چناروں سے دھواں اُٹھنے لگا ہے
اس بار لگی آگ میں شدت ہی بڑی ہے
اُترا نہیں مُنصف کا ابھی تخت زمیں پر
خلقت ہے کہ میدان میں دم سادھے کھڑی ہے
بسیط دشت کی حُرمت کو بام و در دے دے
مِرے خدایا مجھے بھی تو ایک گھر دے دے
بشارتوں کے صحیفے اُتار آنکھوں پر
طلسمِ شب کے کلس توڑ کر سحر دے دے
میں تیرا نام لکھوں گا رِدائے کعبہ پر
قلم نصیب ہے، الفاظ معتبر دے دے
کمالِ ضبط حرفِ معتبر تک آ گیا ہے
لہو بہتا ہوا قاتل کے گھر تک آ گیا ہے
یہ کیا آسیب سا دیوار و در تک آ گیا ہے
کہ سارا شہر اُٹھ کر رہگزر تک آ گیا ہے
عجب اک تشنگی سی لمحہ لمحہ بڑھ رہی ہے
غبارِ آب رفتہ رفتہ سر تک آ گیا ہے
سانس بہاریں آنکھ اجالے تیرے ہیں
میرے لہو میں سارے حوالے تیرے ہیں
زخم ہیں میرے اپنے، مرہم تیرا ہے
ٹھوکر، آس، سنبھالے تیرے ہیں
کشتی تیری، دریا، طوفاں تیرا ہے
طوفانوں سے لڑنے والے تیرے ہیں
تئیس 23 مارچ اذانِ صبحِ نیاز
وہ کیا نوا تھی
کہ جس کی لَو سے
اُفق روشنی کے منظر سنور گئے تھے
بہار آثار لحن کیا تھا؟
کہ خُشک شاخوں کے زرد چہرے
گُلاب رنگوں سے دُھل گئے تھے
بدل کے دیکھ لیے زاویے اُڑانوں کے
خِرد سے طے نہ ہوئے فاصلے زمانوں کے
سمندروں کے تموج، نہنگ، وسعتیں، خوف
کہاں پہ حوصلے ٹوٹے ہیں بادبانوں کے
فلک سے روز اُترتے ہیں روشنی کے خطوط
مگر نہ چمکے مقدر غریب خانوں کے
