زر خاک شہر جمال دے تری نعت ہو کوئی بات ہو

 عارفانہ کلام حمد نعت منقبت

زرِ خاکِ شہرِ جمال دے، تری نعت ہو کوئی بات ہو

سحر اذانِ بلال دے، تری نعت ہو کوئی بات ہو

گل شامِ غم کو نہال کر مجھے لمحہ لمحہ بحال کر

درِ صبحِ درد اجال دے، تری نعت ہو کوئی بات ہو

کبھی پتھروں کو تراشنا،۔ کبھی اپنا آپ تلاشنا

کبھی چشم و لب خد و خال دے، تری نعت ہو کوئی بات ہو

ترا ذکر میرا لباس ہو،۔ تری یاد ہی مری آس ہے

یہ فراق لطفِ وصال دے، تری نعت ہو کوئی بات ہو

کبھی حرصِ شاخِ ثمر نہ ہو، بھریں جھولیاں تو خبر نہ ہو

مجھے رازِ حسنِ سوال دے، تری نعت ہو کوئی بات ہو

اشرف جاوید