منور ہو گیا جگ آمد محبوب یزداں سے

 عارفانہ کلام حمد نعت منقبت

منور ہو گیا جگ، آمدِ محبوبِﷺ یزداں سے

گُلستانوں نے پائی زندگی، صُبحِ بہاراں سے

کوئی دُوجا نہیں اُس شاہِ شاہاں، شاہِ خُوباں سا

کوئی اچھا نہیں اُس جانِ جاناں، جانِ ایماں سے

وہ اندازِ سخن،۔ حُسنِ بیاں،۔ شیرینئ گُفتار

ہوا گرویدہ اِک عالم نبیؐ جی، توری بتیاں سے

اندھیری رات صبحِ نور میں تبدیل ہو جائے

اگر اٹھ جائے پردہ اک زرا اُس رُوئے تاباں سے

جمالِ والضحیٰ کی جلوہ باری کا تصدق ہے

ہوئیں کافُور پل میں ظُلمتیں گورِ غریباں سے

خدا کے واسطے آ جائیں آقاﷺ دستگیری کو

مِرے اعمال کا پلڑا جھکا ہے، بارِ عصیاں سے

بفیضِ نعت روزِ حشر نوری کو پکارا جائے

گروہِ سعدی و جامی و بُوصیری و حسّاں سے

ندیم نوری برکاتی