عجب ہے یہ قصہ کہانی میں دم ہے
یہ سب نے کہا تھا کہانی میں دم ہے
پلٹ ہی رہا تھا کہ پیچھے سے میرے
کسی نے پکارا کہانی میں دم ہے
مِری ڈائری کو جلانے سے پہلے
وہ کہہ کر گیا تھا کہانی میں دم ہے
صفحے ہی پلٹتا رہا رات بھر میں
یہ رہ رہ کے سمجھا کہانی میں دم ہے
کہاں چل دئیے چھوڑ کر یہ کہانی
تمہیں نے کہا تھا کہانی میں دم ہے
کہانی میں روتے ہوئے مر گیا وہ
یہ کس نے بتایا کہانی میں دم ہے
اویس گراچ
No comments:
Post a Comment