عارفانہ کلام حمد نعت منقبت
بیاں کو واعظِ شیریں بیان خوشبو دے
نبیؐ کا نام لے تا کہ جہاں خوشبو دے
لبوں پہ آئے محمدﷺ تو کائناتِ کُل
درود ان پہ پڑھے، ہر زبان خوشبو دے
نبیؐ کے نام پہ قربان کیوں نہ ہو جاؤں
زمیں پہ نام لوں اور آسمان خوشبو دے
جو دل سے نامِ محمدﷺ لبوں پہ آ جائے
مہکاں مہکنے لگیں، لامکان خوشبو دے
خدا کرے کہ جہاں میں ہر اک مؤذن کو
ملے زبانِ بلالیؓ،. اذان خوشبو دے
غنیؓ و حضرتِ صدیقؓ، علیؓ، عمرؓ کی طرح
مِرے قبیلے کا پیر و جوان خوشبو دے
اگر ہو ذکرِ محمدﷺ مہک اٹھے محفل
ہو جس مکان میں محفل، مکان خوشبو دے
احتشام بچھرایونی
No comments:
Post a Comment