عارفانہ کلام حمد نعت منقبت
ایسے حیدرؑ کو زمانے سے جدا رکھا ہے
نام سرکارﷺ نے خود شیرِ خدا رکھا ہے
علم کے شہر کا در میرے علیؑ مولا ہیں
ہے بڑا شہر سو دروازہ بڑا رکھا ہے
طالبؑ و جعفرِ طیارؑ،۔ عقیلؑ و حیدرؑ
ان میں ایماں ابو طالبؑ کا چھپا رکھا ہے
ایسی بے مثل شجاعت ہے علیؑ کی لوگو
صرف اک ہاتھ سے خیبر کو اٹھا رکھا ہے
میں نجف جا کے سناؤں گا کہانی اپنی
کیسے کیسے مجھے دنیا نے ستا رکھا ہے
دیکھنا چہرہ علیؑ کا ہے عبادت لوگو
پیارے آقاﷺ نے صحابہ کو بتا رکھا ہے
خوف تنہا نہیں کچھ حشر میں رُسوائی کا
میں علیؑ کا ہوں یہ ماتھے پہ لکھا رکھا ہے
محمد عمران تنہا
No comments:
Post a Comment