عارفانہ کلام حمد نعت منقبت
دل کِھچ رہا ہے احمدِﷺ مختار کی طرف
ہم جا رہے ہیں سیدِ ابرارﷺ کی طرف
حیران ہو رہے ہیں مَلک شہرِ نور میں
جب دیکھتے ہیں آپؐ کی رفتار کی طرف
دشمن کو بھی حضورﷺ نے اپنا بنا لیا
سب تک رہے ہیں آپؐ کے کردار کی طرف
خیرات لینے آئے ہیں کتنے ہی بادشاہ
شاہِ مدینہ پاکﷺ کے دربار کی طرف
ایسی شفا ملی کہ موت لوٹ ہی گئی
آقاؐ نے دیکھا جیسے ہی بیمار کی طرف
صدقہ حضورؐ دیتے ہیں الفت سے غیر کو
ہم جا رہے ہیں طیبہ کی سرکارؐ کی طرف
پارس جو لوگ آتے ہیں طیبہ میں گھومنے
سب دیکھتے ہیں خضریٰ کے مینار کی طرف
تلک راج پارس
No comments:
Post a Comment