ہم گنہگار شیدائیوں کی طرف اک نظر سرور دو جہاں

عارفانہ کلام حمد نعت منقبت سلام التماس

 

ہم گنہ گار شیدائیوں کی طرف اک نظر سرورِ دو جہاںؐ دیکھیے

آفتیں دیکھیے، مشکلیں دیکھیے، ابتلا دیکھیے، امتحاں دیکھیے

پھول روندے ہوئے، غنچے مسلے ہوئے، شاخیں ٹوٹی ہوئیں، پتّے بکھرے ہوئے

تھی دعا آپﷺ کی جس کی بادِ صبا، آج اپنا وہی گلستاں دیکھیے

کیسے دوزخ کی لو آج چلنے لگی، سوئے کشمیر جنت فشاں دیکھیے

دیووں بھوتوں کے قبضے میں ہے آج کل حسن فطرت کا باغ جناں دیکھیے

میرے قفس میں پڑنے پر کلیوں نے چٹکنا چھوڑ دیا

 میرے قفس میں پڑنے پر کلیوں نے چٹکنا چھوڑ دیا 

رنگوں نے نکھرنا چھوڑ دیا خوشبو نے مہکنا چھوڑ دیا 

گلشن کی جنوں انگیز فضا کیا ویسی جنوں انگیز نہیں 

بلبل نے بغاوت کی لے میں کیا اب سے چہکنا چھوڑ دیا 

ظلمت کے خداؤ کھل کے کہو کیا نور نے گھٹنے ٹیک دئے 

سورج نے چمکنا چھوڑ دیا تاروں نے چھٹکنا چھوڑ دیا 

تو رسول حق تو قبول حق ترا تذکرہ ہے فلک فلک

عارفانہ کلام، حمد، نعت، منقبت

تُو رسولﷺ حق تُو قبول حق تِراﷺ تذکرہ ہے فلک فلک

تُو ہے مصطفیٰؐ تُو ہے مجتبیٰ تِرا نعت خواں ہے فلک فلک

تِرے سوزوسازِ فراق سے رہی ساری رات بہت کسک

سرِ شام سے دمِ صبح تک نہ لگی پلک سے ذرا پلک

نہ زمیں میری قرار گہہ نہ فلک ہی منزلِ شوق ہے

بڑی دیر تک ہے سفر مِرا تِری یاد سے تِری یاد تک

اس رخ پہ پھر گلاب سے کھلنے لگے تو ہیں

 اس رخ پہ پھر گلاب سے کھلنے لگے تو ہیں

اے چشمِ اشتیاق! تِرے دن پھرے تو ہیں

کچھ اہتمامِ رونقِ مے خانہ ہے ضرور

ٹھنڈی ہوا چلی تو ہے بادل گھرے تو ہیں

لو اب تو آئی منزل جاناں سے بوئے خوش

کچھ ٹھوکریں لگی تو ہیں کانٹے چبھے تو ہیں

مجھ کو طلب کیا گیا سرکار آ گیا

عارفانہ کلام نعتیہ کلام

مجھ کو طلب کیا گیا، سرکارﷺ آ گیا

شرمِ گُنہ لیے، یہ گنہگار آ گیا

پھیلا کے اپنا دامنِ صد چاک اے حضورؐ

درویشِ بے نوا سرِ دربار آ گیا

سوکھی پڑی تھیں کب سے تمنا کی کھیتیاں

گریہ مثالِ ابرِ گہر بار آ گیا

ٹھوکریں کھا کے اک زمانے تک

 ٹھوکریں کھا کے اک زمانے تک

آ گیا تیرے آستانے تک

عمر ساری قفس میں کاٹی ہے

آج پہنچا ہوں آشیانے تک

آہ، یہ اپنا دردِ نامعلوم

جس سے بیگانہ تھے یگانے تک

اک داغ نہاں چمک رہا ہے

 اک داغِ نہاں چمک رہا ہے

اک زخمِ جگر مہک رہا ہے

اک جامِ الم چھلک رہا ہے

اک شعلۂ غم بھڑک رہا ہے

ہر موجِ ہوا کی سانس رکتی

ہر ذرے کا دل دھڑک رہا ہے

اس بارگاہ ناز کو منزل بنا کے چل

 اس بارگاہِ ناز کو منزل بنا کے چل

آنکھوں میں ان کا جلوۂ رنگیں بسا کے چل

ہر پھول آستیں میں ہے کانٹا لیے ہوئے

اس باغِ پُر بہار میں دامن بچا کے چل

اس دیس میں خودی پہ ہے اظہار ناروا

گر سر کٹا سکے تو یہاں سر اُٹھا کے چل

اے عشق جنوں پرور پھر سوئے حرا لے چل

 اے عشقِ جنوں پرور پھر سُوئے حرا لے چل

اس خاکِ پریشاں کے ذروں کو اُڑا لے چل

کشتی مِری آسوں کی اے سیلِ بلا لے چل

پتوار نہیں اس کی، موجوں پہ بہا لے چل

حالات کے قیدی کو، اے سوزِ دعا لے چل

از بہرِ خدا لے چل، تا شہرِ ہدیٰ لے چل

یہ دنیا کس کی دنیا ہے

 یہ دنیا کس کی دنیا ہے

تاریخ نے پوچھا، اے لوگو

یہ دنیا کس کی دنیا ہے؟

شاہی نے کہا؛ یہ میری ہے

اور دنیا نے یہ مان لیا

پھر تخت بچھے ایوان سجے

گھڑیال بجے، دربار لگے

تیری ذات پاک عظیم ہے تو میری خطاؤں کو بخش دے

عارفانہ کلام حمدیہ کلام

تیری ذاتِ پاک عظیم ہے، تُو میری خطاؤں کو بخش دے

تُو غفور ہے، تُو رحیم ہے، تو میری خطاؤں کو بخش دے

تیری کائنات کی وسعتوں میں میں ایک ذرۂ بے نشاں

میری لغزشوں کا علیم ہے، تو میری خطاؤں کو بخش دے

میں بُھلا کے تیرے کلام کو، فقط ابتلائے گناہ رہا

تیری مِلک خلدِ نعیم ہے، تو میری خطاؤں کو بخش دے