پریت نگر سے پھیری والا میری گلی میں آیا

پریت نگر سے پھیری والا میری گلی میں آیا

چُوڑی، لونگ، انگوٹھی، چَھلّے رنگ برنگے لایا

میں نے پوچھا "اور بھی کچھ ہے؟" بولا "میٹھا سپنا

"جس کو لے کر جیون بھر اُس نام کی مالا جپنا

میں نے کہا، کیا مول ہے اِس کا؟ بولا "اک مُسکان

"تن کی لاج بچاؤ اس سے، رکھو من کی آن

دل خوں ہوا ہے شوخیٔ رنگ حنا کے ساتھ

 دل خوں ہوا ہے شوخیٔ رنگِ حنا کے ساتھ

ہے معنیٔ بلند بھی طرزِ ادا کے ساتھ

چٹکا جو دل تو مثلِ گلِ تر بکھر گیا

خوشبو صبا کے ساتھ تھی نغمہ صدا کے ساتھ

یہ حال ہے چمن میں کہ اب مثلِ برگِ خشک

آوارہ ایک عمر سے ہیں ہم ہوا کے ساتھ

گلیاں جھانکیں سڑکیں چھانیں دل کی وحشت کم نہ ہوئی

گلیاں جھانکیں سڑکیں چھانیں دل کی وحشت کم نہ ہوئی

آنکھ سے کتنا لاوا ابلا،۔۔۔ تن کی حدت کم نہ ہوئی

ڈھب سے پیار کیا ہے ہم نے اسکے نام پہ چپ نہ ہوئے

شہر کے عزت داروں میں کچھ اپنی عزت کم نہ ہوئی

من دھن سب قربان کِیا،۔ اب سر کا سودا باقی ہے

ہم تو بکے تھے اونے پونے پیار کی قیمت کم نہ ہوئی

میں ہم نفساں جسم ہوں وہ جاں کی طرح تھا

میں ہم نفساں جسم ہوں وہ جاں کی طرح تھا

میں درد ہوں وہ درد کے عنواں کی طرح تھا

تُو کون تھا کیا تھا کہ برس گزرے پہ اب بھی

محسوس یہ ہوتا ہے رگِ جاں کی طرح تھا

جس کے لیے کانٹا سا چبھا کرتا تھا دل میں

پہلو میں وہ آیا تو گلستاں کی طرح تھا

رات آندھیاں آسمانوں کا نوحہ زمیں کو سناتی ہیں

عارفانہ کلام منقبت سلام مرثیہ

رات
آندھیاں آسمانوں کا نوحہ زمیں کو سناتی ہیں
اپنی گلوگیر آواز میں کہہ رہی ہیں
درختوں کی چنگھاڑ
نیچی چھتوں پر یہ رقص آسمانی بگولوں کا
اونچی چھتوں کے تلے کھیلے جاتے ڈرامہ کا منظر ہے

ظرف عالی ہوں کہ بھر کر بھی کبھی چھلکا نہیں

ظرفِ عالی ہوں کہ بھر کر بھی کبھی چھلکا نہیں

ہوں وہ دریا جو کناروں پہ کبھی بہتا نہیں

ہوں وہ پیمانہ کہ محفل جس کو ہاتھوں ہاتھ لے

میں وہ نشہ ہوں جو سر چڑھ کر کبھی اترا نہیں

کشتِ ہستی! تُو مجھے پہچان، تیری آس ہوں

میں وہ بادل ہوں جو اب تک ٹوٹ کر برسا نہیں

دنیا دنیا سیر سفر تھی شوق کی راہ تمام ہوئی

دنیا دنیا سیر سفر تھی، شوق کی راہ تمام ہوئی

اُس بستی میں صبح ہوئی تھی، اِس بستی میں شام ہوئی

موسم بدلے، دل کا سورج دکھ کی گھٹا میں ڈوب گیا

پیار کے لیل و نہار نہ پوچھو شام سے پہلے شام ہوئی

درد کی برکھا ٹوٹ کے برسی، پھوٹ بہے پلکوں کے بند

اس بارش میں وضعِ وفا کی ہر کوشش ناکام ہوئی

زہر ان کے ہیں مرے دیکھے ہوئے بھالے ہوئے

زہر ان کے ہیں مِرے دیکھے ہوئے بھالے ہوئے

یہ تو سب اپنے ہیں زیرِ آستیں پالے ہوئے

ان کے بھی موسم ہیں، ان کے بھی نکل آئیں گے ڈنک

بے ضرر سے اب جو بیٹھے ہیں سپر ڈالے ہوئے

بڑھ کے جو منظر دکھاتے تھے کبھی سیلاب کا

گھٹ کے وہ دریا، زمیں پر رینگتے نالے ہوئے

راہوں کے اونچ نیچ ذرا دیکھ بھال کے

راہوں کے اونچ نیچ ذرا دیکھ بھال کے

ہاں راہروِ مراد! قدم رکھ سنبھال کے

فتنوں کو دیکھ، اپنے قدم روک، بیٹھ جا

راتیں یہ آفتنوں کی ہیں، یہ دن وبال کے

لمحوں کی لے پہ گزری ہیں راتیں نشاط کی

کس دُھن میں دن کٹیں گے یہ رنج و ملال کے

ہم راز گرفتاری دل جان گئے ہیں

ہم رازِ گرفتارئ دل جان گئے ہیں
پھر بھی تِری آنکھوں کا کہا مان گئے ہیں
تُو شعلۂ جاں نکہتِ غم صوتِ طلب ہے
ہم جانِ تمنا! تجھے پہچان گئے ہیں
کیا کیا نہ تِرے شوق میں ٹُوٹے ہیں یہاں کفر
کیا کیا نہ تِری راہ میں ایمان گئے ہیں

جرم اظہار تمنا آنکھ کے سر آ گیا

جرم اظہارِ تمنا، آنکھ کے سر آ گیا
چور جو دل میں چھُپا تھا، آج باہر آ گیا
میرے لفظوں میں حرارت میرے لہجے میں مٹھاس
جو کچھ ان آنکھوں میں تھا، میرے لبوں پر آ گیا
جن کی تعبیروں میں تھی اِک عمر کی وارفتگی
پھر نگاہوں میں انہیں خوابوں کا منظر آ گیا

بقدر حوصلہ کوئی کہیں کوئی کہیں تک ہے

بقدرِ حوصلہ کوئی کہیں، کوئی کہیں تک ہے
سفر میں راہ و منزل کا تعین بھی یہیں تک ہے
نہ ہو اِنکار تو اثبات کا پہلو ہی کیوں نکلے
مِرے اِصرار میں طاقت فقط تیری’نہیں‘ تک ہے
اُدھر وہ بات خوشبو کی طرح اُڑتی تھی گلیوں میں
اِدھر میں یہ سمجھتا تھا کہ میرے ہمنشیں تک ہے