کوئی موسم بھی سزاوار محبت نہیں اب

 کوئی موسم بھی سزاوارِ محبت نہیں اب

زرد پتوں کو ہواؤں سے شکایت نہیں اب

شور ہی کربِ تمنا کی علامت نہ رہے

کسی دیوار میں بھی گوشِ سماعت نہیں اب

جل چکے لوگ تو اب دھوپ میں ٹھنڈک آئی

تھی جو سورج کو درختوں سے عداوت نہیں اب

کوئی موسم بھی سزاوارِ محبت نہیں اب

کوئی موسم بھی سزاوارِ محبت نہیں اب

زرد پتوں کو ہواؤں سے شکایت نہیں اب 

شور ہی کربِ تمنا کی علامت نہ رہے 

کسی دیوار میں بھی گوشِ سماعت نہیں اب 

جل چکے لوگ تو اب دھوپ میں ٹھنڈک آئی 

تھی جو سورج کو درختوں سے عداوت نہیں اب

جہاز اس کے گناہوں کا بوجھ اٹھا نہ سکا

ڈکٹیٹر ضیاع کے مرنے پر

نہ آئی رت کوئی ایسی کہ وہ رلا نہ سکا

وہ مر گیا تو میں حیرت سے مسکرا نہ سکا

عجیب حادثہ ہے مشینوں کی با ضمیری بھی

جہاز اس کے گناہوں کا بوجھ اٹھا نہ سکا

اک حادثہ ہے مشینوں کی با ضمیری بھی

جہاز اس کے گناہوں کا بوجھ اٹھا نہ سکا

عیب بھی تیرے ہنر لگتے ہیں

عیب بھی تیرے ہنر لگتے ہیں

تیری فرقت کا ثمر لگتے ہیں

کل جو قدموں میں بچھے جاتے تھے

اب وہ سائے بھی شجر لگتے ہیں 

وہ اڑتے پھرتے ہیں، حیرت کیا ہے

چیونٹیوں کے بھی تو پر لگتے ہیں 

روز ہوتی ہے قیامت برپا

ملک کے حالات کی ترجمانی کرتی ایک نظم

روز ہوتی ہے قیامت برپا

روز ہوتی ہے اجل کی سازش

روز ہوتی ہے لہو کی بارش

روز گِرتی ہیں کڑیل لاشیں

روز ڈھلتے ہیں چمکتے سورج

روز ہو جاتی ہیں بیوہ شامیں

دیجۓ پُرسہ کسے

کس کی کمر کو تھامیں

جوہر میر 

اسلام آباد کے کوفے سے میں سندھ مدینے آئی ہوں

ذوالفقار علی بھٹو کی پھانسی کے بعد بیگم نصرت بھٹو کی سہالہ جیل سے رہائی کے بعد کہی گئی ایک نظم

اسلام آباد کے کوفے سے

میں سندھ مدینے آئی ہوں

مت پوچھو کیا کھو آئی ہوں

مت پوچھو میں کیا لائی ہوں

کچھ منظر ہیں، کچھ یادیں ہیں

کچھ آنسو، کچھ فریادیں ہیں

کچھ لمحوں کی سوغاتیں ہیں

کچھ گھڑیوں کی رُودادیں ہیں

جہنم کا پودا

ہِجو بر ضیا الحق 

جہنم کا پودا

وہ جہنم کا پودا ہے 

دور تک اس کی پھیلی جڑیں شِمر تک تو نظر آتی ہیں 

اس سے آگے کہاں جاتی ہیں 

اس کے آبا و اجداد کس کو خبر کون تھے 

نمرود و ہامان تھے، کہ فرعون تھے