کوئی موسم بھی سزاوارِ محبت نہیں اب

کوئی موسم بھی سزاوارِ محبت نہیں اب

زرد پتوں کو ہواؤں سے شکایت نہیں اب 

شور ہی کربِ تمنا کی علامت نہ رہے 

کسی دیوار میں بھی گوشِ سماعت نہیں اب 

جل چکے لوگ تو اب دھوپ میں ٹھنڈک آئی 

تھی جو سورج کو درختوں سے عداوت نہیں اب

وہ تو پہلے بھی سبیلوں میں نہیں بٹتی تھی

جس کے بِکنے کی دکانوں پہ اجازت نہیں اب

اب تو ہر شخص میں برپا ہے خود اس کا محشر

ہے کوئی اور قیامت تو قیامت نہیں اب

جو ہر میر