کوئی تم سے سیکھے یہ آنکھیں بدلنا

یہ باتوں ہی باتوں میں، باتیں بدلنا

کوئی تم سے سیکھے، یہ آنکھیں بدلنا

ہم آسیب کے ڈر سے گھر کیوں بدل لیں

پرندوں🕊 پہ جچتا ہے، شاخیں بدلنا

کچھ اپنا بھی کہہ لو یوں کب تک چلے گا

ردیفیں اُچکنا،۔ زمینیں بدلنا

وہی غم سے عاری ہیں کارِ جہاں میں

جنہیں خوب آتا ہے، راہیں بدلنا

یہ جینا بھی شطرنج ہی نے سکھایا

کہ چالوں کے لگنے پہ، چالیں بدلنا

روایت رہی ہے یہی فی زمانہ

نظریے بدلنا،۔ کتابیں بدلنا

یہ تجھ سے ہی سیکھا ہے جانِ تمنا

ذرا سی اداسی میں، بانہیں بدلنا

زیب اورنگ زیب