کبھی کچھ بھول جاتا ہوں کبھی کچھ یاد کرتا ہوں

 کبھی کچھ بھول جاتا ہوں کبھی کچھ یاد کرتا ہوں​

مجھے بے چین رکھتی ہیں تِری دلدار سی آنکھیں​

سمجھ میں وہ تو آتا ہے، سمجھ پر میں نہیں پاتا​

بہت آسان چہرے پر بہت دُشوار سی آنکھیں​

مجھے لگتا تھا بدلو گے، مگر بدلے نہیں ہو تم​

وہی سنگین سا لہجہ، وہی ہُشیار سی آنکھیں

بطور تبرک زیارت کو آیا کرو

 بطور تبرک زیارت کو آیا کرو

اب سراسر ہتک ہو رہی ہے مِرے ان چراغوں کی

جو بھیگی راتوں میں روشن رہے

یہ مِرا خون کتنا جلا اور جلتا رہا

اور مِرے جسم پر کتنی آنکھوں نے تعویذ ٹانکے

مِری کج مزاجی پہ حسرت کی چادر چڑھی

ہاں میں زندہ مزار اب بنا ہوں

وہ جس نے فیصلہ کرنے کا پیشہ چن لیا آخر

 رحم کی اپیل

وہ جس نے فیصلہ کرنے کا پیشہ چن لیا آخر

اسے کہہ دو؛ قلم کو اب ذرا زحمت عطا کر دے

مجھے زنداں میں ڈالے وہ مجھے سُولی چڑھا دے 

یا کوئی کچھ بھی سزا دے دے

میں سب تسلیم کرتا ہوں

تری چاہت کے موسم کی برستی دوسری بارش

تِری چاہت کے موسم کی برستی دوسری بارش

نومبر کی شبِ دوئم میں بھیگا ہوں

میں دن بھر جتنی سڑکوں سے گزرتا تھا

وہاں پر زرد پتے تھے

جو مجھ کو سرد کرتے تھے

بتاتے تھے کہ چاہت میں

ہم مطلع وحشت پہ چمکتے ہوئے تارے

ہم مطلعِ وحشت پہ چمکتے ہوئے تارے 

کوئی تو کسی سمت سے اے دوست پُکارے 

اس دشتِ تغافل میں ہے بس تیرا سہارہ

اے عشق مِرے دوست مجھے جان سے پیارے

اک بحرِ تمنّا ہے میں ساحل پہ کھڑا ہوں 

کوئی تِرے لہجے میں مِرا نام پُکارے

لبوں تک آئی ہے اک لہر میرے سینے سے

 لبوں تک آئی ہے اک لہر میرے سینے سے

ہنسی میں ڈوب گیا ہوں نکل کے گریے سے

کواڑ کھول کے دیکھا تِری گلی کی طرف

سراب ہی نظر آیا مجھے دریچے سے

یہ مہر و ماہ یہ تارے بھی ماند پڑتے گئے

وہ شاہزادی جو نکلی تھی اپنے حجرے سے