ہم مطلعِ وحشت پہ چمکتے ہوئے تارے
کوئی تو کسی سمت سے اے دوست پُکارے
اس دشتِ تغافل میں ہے بس تیرا سہارہ
اے عشق مِرے دوست مجھے جان سے پیارے
اک بحرِ تمنّا ہے میں ساحل پہ کھڑا ہوں
کوئی تِرے لہجے میں مِرا نام پُکارے
لوگ آئے گئے، غرق ہوئے، ڈُوب گئے، پر
بہتے چلے جاتے ہیں محبت کے یہ دھارے
خاموشی پہ قُربان تمہاری مِری نظمیں
اے جانِ غزل میرا سخن صدقے تمہارے
اسامہ جمشید
No comments:
Post a Comment