ہو رہا جو تم سمجھے فیصلہ خدا کا ہے
یہ صلہ تو انساں کی اپنی ہی خطا کا ہے
لگ گئی وبائے بے اعتباری انساں کو
پوچھیے نہ مجھ سے حال اب کہ جو دوا کا ہے
حالت دل ناداں کیوں بگڑتی جائے ہے
اب کہ مجھ پہ سایہ شاید کسی بلا کا ہے
آہ و زاری ویرانی بے بسی و ناداری
اے خدا یہ حال اب کیوں بندۂ خدا کا ہے
اب رہی دیانت داری نہ ہی وفاداری
لوگ کہتے ہیں بس یہ مسئلہ وفا کا ہے
ظلم کی طرفداری ایسے کیوں کرے کوئی
مان لیجیے سارا مسئلہ انا کا ہے
بجھ گئے چراغ آخر کیوں پتا چلا حسرت
یہ قصور سارے کا سارا بس ہوا کا ہے
فیاض حسرت
No comments:
Post a Comment