ظلم سہتا ہوا انسان برا لگتا ہے

 سچ کہوں مجھ کو یہ عنوان بُرا لگتا ہے

ظلم سہتا ہوا انسان برا لگتا ہے

ہم مجاہد ہیں پر ایمان کی کمزوری سے

اب ہمیں جنگ کا میدان برا لگتا ہے

اس قدر ہو گئی مصروف یہ دنیا اپنی

ایک دن ٹھہرے تو مہمان برا لگتا ہے

ان کی خدمت تو بڑی بات بہو بیٹوں کو

بوڑھے ماں باپ کا فرمان برا لگتا ہے

میرے اللہ میری نسلوں کو ذلت سے نکال

ہاتھ پھیلاتے ہوئے مسلمان برا لگتا ہے

منظر بھوپالی