ملا ہے عشق محمد سے یہ وقار مجھے

عارفانہ کلام نعتیہ کلام

مِلا ہے عشقِ محمدﷺ سے یہ وقار مجھے

کہ اب گدا نظر آتے ہیں شہریار مجھے

یہاں خیال ہے میرا نہ دل نہ دل کا قرار

بُلا ہی لیجیے آقائے نامدارﷺ مجھے

جہاں کہیں مِری گرداب میں گِھری کشتی

حضورﷺ ہی کے کرم نے کیا ہے پار مجھے

شعار جسﷺ کا کریمی ہے دونوں عالم میں

خوشا نصیب مِلا ایسا غمگسارﷺ مجھے

گماں گزرتا ہے جیسے ہوں خود مدینے میں

جو یاد آتا ہے سرکارﷺ کا دیار مجھے

میں اِک نظر پہ تصدق کروں دو علم کو

قسم خدا کی خدا دے جو اختیار مجھے

چھپا لیا تِریﷺ رحمت نے اپنے دامن میں

جو دیکھا اپنی خطاؤں پہ شرمسار مجھے

جہاں پناہﷺ جہاں ہے پناہ خالد کو

دِکھائی دیتا ہے بس آپؐ کا دیار مجھے

خالد محمود خالد

خالد محمود نقشبندی