اتر رہی ہے نگاہوں میں مد بھری ہوئی شام
یہ رس مقام دریچوں سے جھانکتی ہوئی شام
بنا رہی ہے مِرے نفسیات کا ماحول
سحر کے قیمتی ٹکڑوں سے یہ بنی ہوئی شام
اسے نہ جام و سخن سے پکارئے کہ یہ ہے
شراب و شعر سے آگے نکل چکی ہوئی شام
گدازِ روح پہ آ کر خطاب کرتی ہے
تِرے خطوطِ بدن سے پڑھی لکھی ہوئی شام
پسِ شعاعِ صباحت بھی رکھی جائے گی
سرِ چراغ در و بام پر رکھی ہوئی شام
بڑے دنوں پہ وہ پہلو میں آ کے بیٹھی ہے
مِرے خمیر سے کچھ بعد کی اٹھی ہوئی شام
کمیل شفیق رضوی
No comments:
Post a Comment