سینے میں سلگتے ہیں ارماں آنکھوں میں اداسی چھائی ہے

 فلمی گیت 

سینے میں سُلگتے ہیں ارماں آنکھوں میں اداسی چھائی ہے 

یہ آج تِری دنیا سے ہمیں تقدیر کہاں لے آئی ہے

سینے میں سلگتے ہیں ارماں ۔۔۔۔۔۔۔۔

کچھ آنکھ میں آنسو باقی ہیں جو میرے غم کے ساتھی ہیں 

اب دل ہیں نہ دل کے ارماں ہیں بس میں ہوں مِری تنہائی ہے 

سینے میں سلگتے ہیں ارماں ۔۔۔۔۔۔۔۔

نا تجھ سے گِلہ کوئی ہم کو نا کوئی شکایت دنیا سے 

دو چار قدم جب منزل تھی قسمت نے ٹھوکر کھائی ہے

سینے میں سلگتے ہیں ارماں ۔۔۔۔۔۔۔۔

کچھ ایسی آگ لگی من میں جینے بھی نہ دے مرنے بھی نہ دے 

چُپ ہوں تو کلیجہ جلتا ہے بولوں تو تِری رُسوائی ہے

سینے میں سلگتے ہیں ارماں ۔۔۔۔۔۔۔۔

پریم دھون