گو تہ حلقۂ زنجیر نہیں ہوتے تھے

 گو تہِ حلقۂ زنجیر نہیں ہوتے تھے

تم مگر صاحب شمشیر نہیں ہوتے تھے

اس زمانے میں تِرا رنج کسے جانتا تھا

جس زمانے میں تقی میر نہیں ہوتے تھے

خواب میں رکھ دیا کرتے تھے گھروں کی بنیاد

اور وہ گھر کبھی تعمیر نہیں ہوتے تھے

میں بہت سوچ کے دشمن پہ کماں کھینچتا تھا

میرے ترکش میں بہت تیر نہیں ہوتے تھے

تُو بھی اس دور میں دیوار نہیں ہوتا تھا

ہم بھی اس دور میں تصویر نہیں ہوتے تھے 

چند آسیب زدہ گھر تھے یہاں جن کی فقط

چھت ہوا کرتی تھی، شہتیر نہیں ہوتے تھے

احمد اویس