میرے ہر خواب کا پرچار مِرے بعد ہوا
دشت میں وا کوئی بازار مرے بعد ہوا
زرد آفاق پہ بے نقش دھنک کا آنچل
سات رنگوں میں نمودار مرے بعد ہوا
روز مقتل میں بدلنے لگے آئینِ ستم
روزنِ حبس ہوا دار مِرے بعد ہوا
گھر میں رہ کر بھی نہیں آیا کسی کو میں نظر
دشت میں بھی مِرا دیدار مرے بعد ہوا
تیز آندھی میں جبیں پر سے سرکتا آنچل
سخت محتاط و خبردار مرے بعد ہوا
بُوئے خوں آتی تھی پہلے تو یہاں سے ہر دم
خوش نما منظرِ کُہسار مرے بعد ہوا
عادل حسین
No comments:
Post a Comment