فلمی گیت
احسان میرے دل پہ تمہارا ہے دوستو
یہ دل تمہارے پیار کا مارا ہے دوستو
بنتا ہے میرا کام تمہارے ہی کام سے
ہوتا ہے میرا نام تمہارے ہی نام سے
تم جیسے مہرباں کا سہارا ہے دوستو
یہ دل تمہارے پیار کا مارا ہے دوستو
جب آ پڑا ہے کوئی بھی مشکل کا راستہ
میں نے دیا ہے تم کو محبت کا واسطہ
ہر حال میں تمہیں کو پکارا ہے دوستو
یہ دل تمہارے پیار کا مارا ہے دوستو
یاروں نے میرے واسطے کیا کچھ نہیں کیا
سو بار شکریہ،۔ ارے سو بار شکریہ
بچپن تمہارے ساتھ گزارا ہے دوستو
یہ دل تمہارے پیار کا مارا ہے دوستو
احسان میرے دل پہ تمہارا ہے دوستو
یہ دل تمہارے پیار کا مارا ہے دوستو
حسرت جے پوری
No comments:
Post a Comment