مشورہ
زرد دُھوپ کی چادر اوڑھے شہر کے منظر سارے
جانے کتنی صدیوں سے یہ آس لگائے بیٹھے ہیں
آنکھوں میں جگمگ کرتے ارمان سجائے بیٹھے ہیں
کہ ہم دونوں کسی سہانی شام کی ہلکی ٹھنڈک میں لپٹے
نئے پرانے میٹھے سپنے لے کر سیر کو جا نکلیں
راحت آلودہ شوقین مناظر میں
اُمیدوں کی دُور تلک پیلی بانہوں کے جُھرمٹ میں
قید خُوشی سے ہو جائیں
سُکھ کی اس تازہ نگری میں
لمحے بن کر کھو جائیں
رفیق خیال
No comments:
Post a Comment