محاذِ نور سے یکسر ہٹا دئیے گئے ہم
مثالِ شمعِ سحری بُجھا دئیے گئے ہم
سروں کی فصل پہ شاید زکوٰۃ واجب تھی
سو اس نصاب سے اب کے گھٹا دئیے گئے ہم
مکینِ خُلد ہیں ہم بھی نسب کی نسبت سے
زمیں پہ حسبِ مشیت بسا دئیے گئے ہم
وصال و ہجر بھی ہیں فیصلے نصیبوں کے
کسی سے بچھڑے کسی سے ملا دئیے گئے ہم
بدن کے بوجھ سے اک عمر تک نڈھال رہے
زمیں کی گود میں آخر سُلا دئیے گئے ہم
محب الحق وفا
No comments:
Post a Comment