عارفانہ کلام حمد نعت منقبت
مِدحتِ سرکار میں لازم ہے خُوئے احتیاط
یعنی پہلے فکر کو لے جاوٴ سُوئے احتیاط
ضبط کر اے دل وفورِ شوق در شہرِ نبیﷺ
ہوش کر اے گِریہ تُو بھی کہ ہے کُوئے احتیاط
قط لگاوٴ یوں قلم خُوش خط لکھے نعتِ نبیﷺ
نعت کے ہر لفظ سے آتی ہو بُوئے احتیاط
ہو گئی ضربِ کلیمی عشق میں ان کے امر
طائرِ سِدرہ کو دے کر درسِ خُوئے احتیاط
جس کلامِ پاک کا ہر لفظ شک سے پاک ہے
اس کلامِ پاک میں ہے گُفتگوئے احتیاط
عصمت اللہ نیازی
No comments:
Post a Comment