ازل سے اب تک جو کُن کا مرکز بنا ہوا ہے وہی نبی ہے

 عارفانہ کلام حمد نعت منقبت

ازل سے اب تک جو کُن کا مرکز بنا ہوا ہے وہی نبی ہے

خدائے برتر کے نور سے جو بدن ڈھلا ہے وہی نبی ہے

جو آپﷺ بولے وہ حکمِ ربّی وہی سلیقہ وہی ہدایت

جو صرف رب کے لیے زباں کو چلا رہا ہے وہی نبی ہے

نبیﷺ کا کہنا، خدا کا کہنا، خدا کا کہنا نبیﷺ کا کہنا

خدا نے جس کے لیے یہ جملہ ادا کیا ہے وہی نبی ہے

وہ چاند کا ہو کہ شمس کا ہو ووہ کنکری کا یا پیڑ کا ہو

خدا کی مرضی سے معجزے جو دکھا رہا ہے ویی نبی ہے

عطاٸیں اس کی عظیم تر ہیں وسیلہ جس کو بنایا رب نے

جو دے رہا ہے وہی خدا ہے دلا رہا ہے وہی نبی ہے

دعا نہ اُن کی قبول کی تو جنابِ آدم کو دھیان آیا

جو جام عرشِ علیٰ پہ کب سے لکھا ہوا ہے وہی نبی ہے

جنابِ موسیٰؑ بھی تھے پیمبر وہ نورِ حق کی نہ تاب لائے

خدا سے مل کر کلام کر کے جو آ رہا ہے وہی نبی ہے

بشارتوں کی حدوں میں کھو کر تلاش کر اپنے رب کو پارس

جو رحمتوں کے تمام پردے اٹھا رہا ہے وہی نبی ہے

تلک راج پارس