عارفانہ کلام حمد نعت منقبت
دل نشیں حیدرؑ کی الفت ہو گئی
روح افزا ان کی اطاعت ہو گئی
کیسی یاور حرؓ کی قسمت ہو گئی
مرتے ہی جاگیر جنت ہو گئی
وصفِ حیدرؑ میں ملتے نہیں لفظ
صرف اردو کی بضاعت ہو گئی
اک قبا میں کی بسر مانندِ ِگل
ختم حیدرؑ پہ قناعت ہو گئی
دی اذاں جس نے حرم میں وہ علیؑ
محترم جس سے عبادت ہو گئی
وہ علیؑ باز و کبوتر سے عیاں
دہر میں جس کی عدالت ہو گئی
وہ علیؑ کونین کی طاعت سے
جس کی افضل ایک ضربت ہو گئی
مرزا اوج لکھنوی
مرزا محمد جعفر اوج
No comments:
Post a Comment