عارفانہ کلام حمد نعت منقبت
بگڑی تیری دیکھنا پل میں بنے گی نعت پڑھ
اُن کے در سے بھیک بھی تجھ کو ملے گی نعت پڑھ
راحتِ قلب و جگر تُجھ کو ملے گی نعت پڑھ
ہر مصیبت ہر بلا تیری ٹلے گی نعت پڑھ
محفلِ سرکارﷺ میں دیوانے سنتے ہیں کلام
اور فرشتوں کی جماعت بھی سنے گی نعت پڑھ
قبر کا اور حشر کا کرتا ہے غم تو کس لیے
رب کی رحمت ہر طرف سے گھیر لے گی نعت پڑھ
کس قدر ہو گا حسیں اسحاق منظر حشر میں
مجھ کو قدسی سے اجازت جب ملے گی نعت پڑھ
محمد اسحاق رضوی
No comments:
Post a Comment