عارفانہ کلام حمد نعت منقبت
رئیس الانبیاء آئے شفیع المذنبینﷺ آئے
گنہ گارو! مبارک رحمۃ اللعالمینﷺ آئے
شہِ لولاک مقصودِ ازل دُرِّ ثمیںﷺ آئے
مبارک کنت کنزا مخفیا کے دل نشیں آئے
بصارت کیا بصیرت لوٹ آئے فیضِ پنہاں سے
جو نابینا کے خوابوں میں وہ چشمِ سرمگیں آئے
نہ ہو مرہون رحمت کیوں نہ اب عالم کا ہر ذرّہ
مِرے سرکارؐ بن کر رحمۃ اللعالمینﷺ آئے
نہ جانے کب سے یہ بے ہوش تھا عشق و محبت میں
مقدر دیکھیے خود ہوشِ کل اس کے قریں آئے
بے ہوش محبوب نگری
No comments:
Post a Comment