عارفانہ کلام حمد نعت منقبت
جذبۂ خدمتِ انساں مِرے مولا دے دے
مجھ کو تسکینِ دل و جاں مرے مولا دے دے
حج ادا کرنے کی توفیق عطا کر مجھ کو
اور مدینے کا بھی فیضاں مرے مولا دے دے
کب سے بیٹھا ہوں تِرے در پہ یہی آس لیے
اب مِرے درد کا درماں مرے مولا دے دے
چل کے میں اپنے گناہوں کا کفارہ کر لوں
راہ ایسی کوئی آساں مرے مولا دے دے
غم سے دنیا کے ہے بیزار تِرا اب مضطر
اس کو خاشیوں کا گُلستاں مرے مولا دے دے
تاج مضطر
No comments:
Post a Comment