نقش نعلین کا جس نے بھی ہے پہنا تعویذ

 عارفانہ کلام حمد نعت منقبت

نقشِ نعلین کا جس نے بھی ہے پہنا تعویذ

ہر مصیبت سے اُسے پھر ہے بچاتا تعویذ

اس لیے میں نے کسی سے بھی نہ مانگا تعویذ

اسمِ احمدﷺ کا وظیفہ ہی ہے میرا تعویذ

شوقِ دیدار جو ہو خوب بڑھاتا تعویذ

دلِ بیمار نے ہر دم وہی چاہا تعویذ

ہر گھڑی کیوں نہ بھلا دے ہمیں پہرا تعویذ

ہم نے اس نقشِ محبت سے بنایا تعویذ

نیک مقصد کے لیے ہی تو بنانا تعویذ

ورنہ بن جائے گا تیرے لیے خطرہ تعویذ

اُس کی سوئی ہوئی قسمت ہے جگاتا تعویذ

خاک طیبہ سے بنا جس نے بھی باندھا تعویذ

یادِ سرکار میں جس نے بھی ہے لکھا تعویذ

پھر تو اسحاق ہے وہ خوب انوکھا تعویذ

محمد اسحاق رضوی