عارفانہ کلام حمد نعت منقبت
ان کی چوکھٹ کی نوکری اور میں
ایک سلمان فارسی اور میں
ایک پردہ تھا درمیاں حائل
محوِ گُفتار تھے علیؑ اور میں
موت کو چھوڑ کر چلے آئے
خیمۂ شہ میں زندگی اور میں
ذکرِ آلِؑ نبیﷺ کی نسبت سے
جی رہے ہیں سرائیکی اور میں
ضوفشاں ہیں دیارٍ دنیا میں
ہر ستارے کی روشنی اور میں
سر جھکاتے ہیں ایک چوکھٹ پر
میرے الفاظ، شاعری اور میں
ایک زنجیر، یومِ عاشورہ
شہرِکربل کی ہر گلی اور میں
رافع بخاری
No comments:
Post a Comment