عارفانہ کلام حمد نعت منقبت
روضے پہ حاضری کی ہے خواہش مِرے نبیؐ
کر بھی رہی ہوں اپنی سی کوشش مرے نبیؐ
ہو جائے جو کرم تو سنور جائیں میرے دن
مجھ پر کڑی ہے وقت کی گردش، مرے نبیؐ
دامن میں چاہے کتنی خطائیں ہوں، روزِ حشر
کرنا ہے آپ ہی کو سفارش، مرے نبیؐ
ہو جائیں جس سے راستے آسان زیست کے
کر دیجیے کرم کی وہ بارش مرے نبیؐ
روزِ جزا ہو آپﷺ کا سایہ مجھے نصیب
ؐہے اتنی شازیہ کی گزارش مرے نبی
شازیہ عالم شازی
No comments:
Post a Comment