عارفانہ کلام حمد نعت منقبت
حسینؑ تیغ لیے تازہ دم دکھائی دیا
ادھر جو لاکھوں کا لشکر تھا کم دکھائی دیا
کچھ اس طرح سے ہوا ذکرِ حضرتِ عباسؑ
دِیے کی لَو میں نبیﷺ کا عَلم دکھائی دیا
کوئی تو نوکِ سناں پر بھی سر اٹھا کے چلا
کسی کی تخت پہ گردن میں خم دکھائی دیا
رسولِ پاکﷺ نظر آ رہے تھے اکبرؑ میں
مگر صغیر میں رب کا حرم دکھائی دیا
خدا کا شیرؑ سمایا ہوا تھا غازیؑ میں
جو کربلا میں خدا کی قسم دکھائی دیا
آثم سیال
No comments:
Post a Comment