عارفانہ کلام حمد نعت منقبت
مرحبا صد مرحبا اے مدح خوانِ مصطفیٰﷺ
تجھ کو دنیا ہی میں ہے حاصل امان مصطفیٰﷺ
مصطفیٰﷺ ہیں مظہرِ شانِ جمالِ حُسنِ ذات
ذرہ ذرہ سے عیاں ہے عز و شانِ مصطفیٰﷺ
مصطفیٰﷺ ہیں باعثِ تخلیقِ بزمِ کائنات
یہ جہاں روزِ ازل سے ہے جہانِ مصطفیٰﷺ
کجکلاہانِ جہاں جُھکتے ہیں جن کے رُو بہ رُو
کس قدر ذی مرتبہ ہیں عاشقانِ مصطفیٰﷺ
میری بخشش کے لیے کافی ہے یہ عزت جمیل
میں بھی ہوں ادنیٰ غلامِ آستانِ مصطفیٰﷺ
جمیل نقوی
No comments:
Post a Comment