عارفانہ کلام حمد نعت منقبت
علیؑ مختلف آدمی ہے
تم نے اب تک
اسے صرف تلوار سے ماپنے کی سعی کی ہے
اندھی عقیدت کی پرکار سے ماپنے کی سعی کی ہے
اتھلی محبت کی مہکار سے ماپنے کی سعی کی ہے
یا بُغض کے بار سے ماپنے کی سعی ہے
اے کاش تم اس کو
معراج انسانیت کے کسی زاویے سے کبھی ماپتے
آگہی کے کسی راستے سے کبھی ماپتے
معرفت کے کسی منطقے سے کبھی ماپتے
نُور کی سمت کُھلتے ہوئے مرکزے سے کبھی ماپتے
قسم رزم گاہوں کی پُر ہول گھڑیوں
صحیفوں میں معنی کی پُر پیچ گلیوں کی
لفظوں کی کج فہم و بے شکل گھمبیرتا میں
یہ حرف جلی مختلف آدمی ہے
علیؑ مختلف آدمی ہے
احمد فرہاد
No comments:
Post a Comment