حقیر کہتا ہے خود تِری جناب میں چاند
جسے یقیں نہ ہو رکھ لے تِرے جواب میں چاند
میں چاند کیسے کہوں مہرِ نیم روز ہو تم
کئی ہزار بنیں گے اک آفتاب میں چاند
تمہارا وصف ہے مذکور جن کتابوں میں
یام کرتا ہے ان کے ہر ایک باب میں چاند
اندھیرے ہاتھ بڑھاتے ہیں دوستی کے لیے
بگڑ نہ جائے کہیں صحبتِ خراب میں چاند
ستارے چودھویں شب کے بھی شرط ہار گئے
تِرے شباب سے کم تر رہا شباب میں چاند
سنبھل کے کودے جو دریائے عشق میں کودے
دکھائی دیتا ہے نزدیک گہرے آب میں چاند
سخنوری پہ ہے منان! اپنی ناز جنہیں
دکھائیں لا کے مِری طرح آفتاب میں چاند
منان بجنوری
No comments:
Post a Comment