عارفانہ کلام حمد نعت منقبت
نبیؐ تو رحمتِ حق ہیں نبیؐ کو کیا کہیے
سوال یہ ہے کہ اُن کے وصی کو کیا کہیے
خدا کے گھر میں جو پیدا ہوا بشکل بشر
خدا سے پوچھیے اُس آدمی کو کیا کہیے
قدم ہوا پہ ہوں اور ہاتھ میں درِ خیبر
یہ سوچتا ہوں کہ ایسے ولی کو کیا کہیے
قطار اونٹوں کی بخشی ہو جس نے سائل کو
بتائیں اہلِ کرم! اُس سخی کو کیا کہیے
یہ جنس وہ ہے خریدار ہے خدا جس کا
کھری ہے چیز تو پھر مشتری کو کیا کہیے
ابو ترابؑ کے در سے ارم کو کیا نسبت
ارم ارم ہے، نجف کی گلی کو کیا کہیے
مباہلہ میں بھرم رکھ لیا نبوت کا
نبیؐ کی آل کو کہیے نبیؐ کو کیا کہیے
وہ خوش نصیب ہوں مجھ کو ملا غمِ سرور
خوشی ملے تو ظفر اس خوشی کو کیا کہیے
ظفر ابن متین
No comments:
Post a Comment