عارفانہ کلام حمد نعت منقبت
حرف کی کائنات مانگتے ہیں
منقبت، حمد، نعت مانگتے ہیں
ہم سبھی آپ کے ہیں آپ کے ہیں
رحمت التفات مانگتے ہیں
بے ثباتی نے گھیر رکھا ہے
دیجیے ہم ثبات مانگتے ہیں
سبز گنبد کے سائے سائے رہے
آپ سے وہ حیات مانگتے ہیں
پنجتن پاک کے گھرانے سے
سات پشتوں کا ساتھ مانگتے ہیں
جس سے آلؑ نبیﷺ کی پیاس بجھے
درد کی وہ فرات مانگتے ہیں
مانگ پھر مانگ اور مانگ زعیم
منقبت، حمد، نعت مانگتے ہیں
زعیم رشید
No comments:
Post a Comment