موزوں کلام باعث لطف و سرور ہے

موزوں کلام باعثِ لطف و سرور ہے

لیکن بہ قصدِ لاف تعقل فتور ہے

تہذیبِ فکر کے لٰے رہبر ضرور ہے

دستِ سخن میں خضرِ سخنور شعور ہے

حاصل ہو ذہن کو جو ہدایت شعور سے

ظلمت کدے خیال کے بھر جایں نور سے

مقصد نہ ہو جو نیک تو وحشت ہے شاعری

مقصد اگر ہو نیک تو حکمت ہے شاعری

نا اہل کا بیاں ہو تو بدعت ہے شاعری

ذکرِ امامؑ ہو، تو عبادت ہے شاعری

صد شکر گامزن ہوں میں راہِ صواب میں

"مشغولِ حق ہوں منقبتِ بُو تراب میں"

کرار جونپوری