جب چراغوں پہ ہواؤں کے ستم ٹوٹ گئے

 جب چراغوں پہ ہواؤں کے سِتم ٹُوٹ گئے

شب کو خورشید پہ جتنے تھے بھرم ٹوٹ گئے

ہم کو رکھنے کا سليقہ بھی نہیں تھا اس کو

اس قدر زور سے پٹکا ہے کہ ہم ٹوٹ گئے

آج اس دل میں دبے پاؤں تیری یاد آئی

سانس لیتے ہوئے کتنے ہی قدم ٹوٹ گئے

دل کُشادہ بھی کیا، جان لڑا دی، لیکن

ٹوٹ جانے تھے محبت کے کرم ٹوٹ گئے

ہم نے دنیا کی عدالت میں یہی دیکھا ہے

عشق پر بات جب آئی تو قلم ٹوٹ گئے

زرد مٹی کے حوالے سے وہ تصویر بنی

جس کو دیکھا ہے تو پتھر کے صنم ٹوٹ گئے

اب تو ہر سمت بکھرنے کا مزہ چُھوٹ گیا

اب تو آواز کی شاخوں کے بھی دم توٹ گئے

ناصر راؤ