ایک قطرہ اشک کا چھلکا تو دریا کر دیا
ایک مشتِ خاک جو بکھری تو صحرا کر دیا
میرے ٹوٹے حوصلے کے پر نکلتے دیکھ کر
اس نے دیواروں کو اپنی اور اونچا کر دیا
وارداتِ قلب لکھی ہم نے فرضی نام سے
اس کی ناراضی کا سورج جب سوا نیزے پہ تھا
اپنے حرفِ عجز ہی نے سر پہ سایہ کر دیا
دنیا بھر کی خاک کوئی چھانتا پھرتا ہے اب
آپ نے در سے اٹھا کر کیسا رسوا کر دیا
اب نہ کوئی خوف دل میں اور نہ آنکھوں میں امید
تُو نے مرگِ ناگہاں! بیمار اچھا کر دیا
جانے کس کے منتظر بیٹھے ہیں جھاڑو پھیر کر
دل سے ہر خواہش کو عادلؔ ہم نے چلتا کر دیا
عادل منصوری
No comments:
Post a Comment