سب لوگ کہانی میں ہی مصروف رہے تھے

 سب لوگ کہانی میں ہی مصروف رہے تھے

دراصل اداکار حقیقت میں مرے تھے

جاتے ہوئے کمرے کی کسی چیز کو چھو دے

میں یاد کروں گا کہ تیرے ہاتھ لگے تھے 

آنکھیں بھی تِری فتح نہ کر پائے ابھی تک

کس لمحۂ بے کار میں ہم لوگ بنے تھے

ہم یونہی کسی بات کو دل پر نہیں لیتے

نقصان زیادہ تھے سو گھبرائے ہوئے تھے

اتنا ہی بتا سکتا ہوں احباب کے بارے

کچھ تیر میری پشت کی جانب سے چلے تھے

میں نے تو کہا تھا کہ نکل جاتے ہیں دونوں

اس وقت کہانی میں سبھی لوگ نئے تھے

دانش نقوی