گزرے جو حوادث نہیں آئیں گے گماں میں
ہے خاک بدن چاک جگر عشق بتاں میں
استاد کسی اور کو خاطر میں نہ لائے
اِترائے سرِ عام کہ ہوں اہلِ زباں میں
ہر لفظ ہے اشعار کا آواز دلوں کی
ہے نقص کہیں بول مِرے طرزِ بیاں میں
بچوں کے لیے باپ تو ہے سایۂ رحمت
ہوں ضعفِ بصارت میں مگر بارِ گراں میں
مقصود تھی کربل میں تِرے حق کی گواہی
ہوئے ورنہ سِناں ٹکڑے گلوئے یزداں میں
تڑپے دلِ ناچار نہ عشاق کا کیسے؟
ہیں کم بھی نہیں رنگ عیاں خوئے بُتاں میں
احمد رئیس
No comments:
Post a Comment