ایک اک شعر سُنایا اُسے تفسِیر کے ساتھ
کل بہت بات ہوئی تھی تِری تصوِیر کے ساتھ
مُدتوں بعد جو آیا ہے مِرے خط کا جواب
اس نے بھیجا ہے مجھے پُھول بھی تحرِیر کے ساتھ
ایک ہی عشق کِیا، اور کِیا ایسا عشق
جیسے غالب نے کِیا میر تقی مِیر کے ساتھ
اتنا خاموش مِرے دل کا مکاں ہے مت پُوچھ
گُفتگو کرتی ہے تصویر بھی تصوِیر کے ساتھ
اس قدر نیک گُنہ گار مِرا دوست اریب
جس کو جنّت بھی میسّر ہوئی زنجِیر کے ساتھ
اریب عثمانی
No comments:
Post a Comment