بلند تر ہے فلک سے وقار کوئے رسول

 عارفانہ کلام حمد نعت منقبت

بُلند تر ہے فلک سے وقارِ کُوئے رسولﷺ

نہ کیوں ہو عرش نشیں خاکسارِ سُوئے رسولﷺ

بہ التجا متمنی ہے چند پھولوں کی

بہارِ خُلد نے دیکھی بہار کوئے رسولﷺ

وہ خاک رہتی ہے تاصبح کہکشاں بہ کنار

جہاں پہ خاک ہو خاکسارِ کوئے رسولﷺ

ہیں پھُوٹ پھُوٹ کے برسوں ہی آبلے روئے

کہیں تھی ٹُوٹ گئی نوک خارِ کوئے رسولﷺ

خدا بلند نگاہی دل کو دے توفیق

ادب سے دیکھ لے عزِ و وقارِ کوئے رسولﷺ

نسیمِ مست جھلک وجد میں زمیں مدہوش

شباب پر ہے جمال بہارِ کوئے رسولﷺ

فلک کو گردشِ لیل ونہار راس آئے

نظر میں ہیں مِری لیل ونہارِ کوئے رسولﷺ

سکوں ہو خُلد میں حاصل یہ غیر ممکن ہے

وہ رُوح جو ہو غریب الدیارِ کوئے رسولﷺ

سکونِ قلب زمانے میں تو کہیں نہ ملا

غبار ہو گیا آخر غبار کوئے رسولﷺ

حکیم غبار بھٹی

مشتاق احمد خاں