عارفانہ کلام حمد نعت منقبت
خدا کے حکم سے مٹی کے پیکر بول اٹھے ہیں
نبیﷺ کے لمس سے بے جان پتھر بول اٹھے ہیں
ہے ان کی رحمۃ اللعالمینی کا یقیں شاید
کہ مداحِ رُسل کافر بھی اکثر بول اٹھے ہیں
محمد مصطفیٰﷺ ہیں خود ہمارے رہنما، ربی
خدا کے سامنے سارے پیمبر بول اٹھے ہیں
جہاں پر وِردِ نعتِ سرورؐ کونینﷺ ہوتا ہے
مہک اٹھتے ہیں وہ دربار، وہ گھر بول اٹھے ہیں
محمدﷺ کے غلاموں کی کبھی ہستی نہیں مٹتی
وہ اپنی قبر کے اندر بھی رہ کر بول اٹھے ہیں
سنجے مشرا شوق
سنجے مصرا شوق
No comments:
Post a Comment