عموماً وقت اچھا ہو تو سارے ٹھیک ملتے ہیں

 کہانی ٹھیک بنتی ہے نظارے ٹھیک ملتے ہیں 

عموماً وقت اچھا ہو تو سارے ٹھیک ملتے ہیں 

وجہ اک دوست یہ بھی ہے تعلق کو بڑھانے کی 

کہ ہم دونوں کے آپس میں ستارے ٹھیک ملتے ہیں 

تمہارا یوں مُکر جانا،۔ اچانک یوں بدل جانا 

تو مطلب مجھ کو خوابوں میں اشارے ٹھیک ملتے ہیں 

ہمیں تو جو مِلا اپنا، وہی ڈسنے میں ماہر تھا 

نجانے کیسے لوگوں کو سہارے ٹھیک ملتے ہیں 

محبت کے بڑے ہم نے عجب دستور دیکھے ہیں 

منافع تو نہیں مِلتا، خسارے ٹھیک ملتے ہیں 

اسد معراج