چار تنکوں سے کہاں دشت میں گھر بنتا ہے

 پر تو بس ہمتِ پرواز سے پر بنتا ہے

سر میں سودا ہو مِری جان! تو سر بنتا ہے

لوٹ آئے ہیں پرندے مِری دیواروں پر

چار تنکوں سے کہاں دشت میں گھر بنتا ہے

وہ پری رخ مِرے خوابوں میں پلٹ آتا ہے

گنبدِ وقت میں جب رات کا در بنتا ہے

زندگی تیری حقیقت پہ نہ لب کھولوں گا

میں نے دیکھا ہے کہ اس شور سے شر بنتا ہے

ایک کردار تو دریا کا بھی ہوتا ہے عدیل

ڈوب جائے تو سمندر کا سفر بنتا ہے

اشرف عدیل