سرد آہوں نے میرے زخموں کو آباد کِیا
دل کی چوٹوں نے جو رہ رہ کے تجھے یاد کیا
مہربانی میرے صیاد کی دیکھے کوئی
جب خزاں آئی، مجھے قید سے آزاد کیا
محفلِ ناز سے لایا جو یہاں تک ان کو
میکشوں نے اسے ساقی کا اشارہ سمجھا
جھک کے شیشے نے جو ساغر سے کچھ ارشاد کیا
دلِ بیتاب کو مشکل سے سنبھالا تھا مگر
ضبطِ غم نے مجھے آمادۂ فریاد کیا
کام جب کچھ نہ بنا عشق کی ناکامی سے
درد نے آپ مجھے آمادۂ بے داد کیا
خود مجھے بھی نہیں بربادی کا احساس شجیع
اس سلیقے سے کسی نے مجھے برباد کیا
معظم جاہ شجیع
No comments:
Post a Comment